Nnbi Yebrahim
Ameddakel n Yillu
Yettwassen Yebrahim d win yesɛan taflest meqqren deg Illu. Yiwen wass, yenna-yas Yillu ad iṛuḥ si tmurt-is d wexxam n baba-s, ad iṭṭef abrid ɣer tmurt nniḍen ara s-d-izekken Yillu. Yuɣ-as awal Yebrahim, ɣas akken ur yeẓri ara ɣer wanida ara t-iseddu Yillu. Yemmeslay Yillu i Yebrahim, yenna: "A k-rreɣ d lǧens meqqṛen, a k-barkeɣ, ad rreɣ isem-ik meqqeṛ, a ttuɣal d aɣbalu n lbaraka. Ad barkeɣ wid ara k-ibarken, ad naɛleɣ wid ara k-ineɛlen; yerna tiwaculin meṛṛa n dduint ad ttubarkent deg-k."
Yesɛa Yebrahim sin warrac. Smaɛil aked Isḥaaq. Iḥemmel-iten Yebrahim din sin yid-sen. Yiwen wass, mi yella yettẓalla, yanna Yebrahim i Yillu: "Ah! Ad yidir Smaɛil zdat-k!" Lebɣi n Yebrahim d akken Smaɛil d tarwa-s ad afen lemzzeyya ɣer Yillu. Yerra-yas-d Yillu: "Qebleɣ-k-id ɣef Smaɛil. Atah, a t-barkeɣ, a s-fkeɣ dderya, a t-sfuktiɣ; a d-ffɣen seg-s tnac n igeldunen, yerna a t-rreɣ d lǧens meqqren".
Di lebɣi n Yillu, ad idiren warraw n Smaɛil, am yemdanen meṛṛa, s wudem ara yettwaqeblen ɣur-s. Yebɣa yal amdan a t-iḥemmel, a s-yeqdec. D acu kan, ur iqebbel ara amdan s ubekkaḍ-ines.
Di tazwara n temsirt-agi, nenna-d belli Yebrahim iban-d yesɛa liman di Ṛebbi. Ajeṛṛeb meqqren n teflest-ines, yeḍra-d makken i s-yumeṛ Yillu a d-yeddem mmi-s Isḥaaq, a t-yefk d asfel. Yiwen wass Yessawel Yillu i Yebrahim, yenna-yas: "A Yebrahim!" Yebrahim yerra-yas: "Aqel-iyi." Yenna Yillu: "Ddem-d mmi-k... tekkṛeḍ a ttruḥeɣ ɣer tmurt n Murija, dinna efk-it d asfel deg yiwen n wedrar ara k-d-mmleɣ."
Yekker Yebrahim ṣbaḥ zik, iserǧ zzayla-ines, iṛuḥ aked sin iqeddacen d mmi-s Isḥaaq. Ass wiss tlata, Yerfed allen-is Yebrahim, iwala si lebɛid amkan-nni i yextaṛ Yillu. Mi llan leḥḥun Yebrahim d mmi-s ɣer wemkan-nni, yesteqsa Isḥaaq baba-s: "A baba, attah tmes, atnah yesɣaren; meɛna anda-t izimer i wesfel?" Yezzi Yebrahim ɣer mmi-s, yenna: "A mmi, d Illu ara d-iheggin i yiman-is izimer i wesfel."
Mi wwḍen ɣer wemkan-nni i sen-d-yemla Ṛebbi, yesbedd dinna Yebrahim adekkan s yeẓra, yessers fell-as isɣaren. Yurez Isḥaaq, yessers-it ɣef yesɣaren. Dɣa yeddem-d Yebrahim ajenwi, irfed-it ad yezlu mmis. Imiren yessawel-as-d lmelk n Ṛebbi seg genwan, yenna-yas: "a Yebrahim, a Yebrahim!" Dɣa yenna: "Aqel-iyi." Yenna-yas lmelk: "Ur sseqrab ara afus-ik ɣef uqcic, ur s-xeddem kra; axaṭeṛ tura zriɣ, tettagadeḍ Ṛebbi." Yerfed allen-is Yebrahim, iwala deffir-s yiwen n ikerri ttwaṭfen wacciwen-is deg isɣaren, dɣa iṛuḥ Yebrahim a d-yeddem ikerri-nni, yefka-t d asfel deg umkan n mmi-s. Ikerri-agi yeṭṭef amkan n mmi-s n Yebrahim. Idammen n ikerri-agi uzlen deg umkan n idammen n mmi-s n Yebrahim. D ikerri ur nuklal, i yruḥen d asfel deg umkan n Isḥaaq.
Teɣlim di ddnub. Illu ur iqebbel ara ddnub, ilaq a t-imerret. Tdenbem yerna yewwi-d lḥal ad tettumertem ɣef ibekkaḍen-nwen. " Lexlaṣ n ddnub d lmut ". Amek ara nemneɛ seg zaraf-agi ? Mmi-s n Yebrahim iteddu ɣer lmut lameɛna ihegga-d Yillu s yiman-is amcafeɛ. Ikerri-nni ur nuklal, yemmut deg umkan n mmi-s n Yebrahim.
D ikerri i yeṭfen amkan n mmi-s n Yebrahim. Ass-agi, ilaq win ara yeṭfen amkan-ik iwakken ad tmenɛeḍ i wzaraf n Yillu. Amdan-agi ur ilaq ara ad yili ubekkaḍ deg-s. Axaṭeṛ ma yella deg-s ubekkaḍ, ur yettizmir ara ad yekkes ibekkaḍen-ik. Amdan-agi yella. Ibbub yakan azaraf n Yillu deg umkan n yemdanen meṛṛa.
Anwa-t wemdan-agi, i yzemren yerna yebɣa ad yeṭṭef amkan-ik ? D ayagi ara tlemdeḍ di temsirin i d-iteddun.
Tura, uqbel ad taẓeḍ ɣer zdat, err-d ɣef umseqsi n temsirt-agi.
