Lenbiyya d imdanen imehrag sɣur Yillu, yettweḥḥi-asen-d; iwakken ad mmlen i wegdud lebɣi n Yillu. Ccɣel-nsen d aweṣṣi, d nnehwat ɣef ddnub; d aɛeggen ɣef usizref n Yillu. Iswi d abeddel n tikli i yemdanen. Ttberriḥen-d izen s wallalen yemxallafen. S tebṛatin, s lemtul, s lecɣal izamalen, daɣen s tudert-nsen yellan d ttbut n yizen i d-ṣṣawaḍen i talsa.
Nnbi n tidett ur yettnadi ara ad yeɛǧeb i yemdanen, ad yeqbel ula d aqehheṛ ɣef ddemma n yizen-ines. Ayen d yettbecciṛ i teffeɣ di lawan i d-yessers Yillu.
Ayen ɣef d-icar Icɛaya, iɛedda-d deg ujeṛṛeb n zzman. A nwali tuggett n licarat i d-yefka sebɛa n leqrun uqbel talalit n Lmasiḥ, ɛnant swaswa kan, tisin d lmerta n Lmasiḥ. Tiyyiḍ ɛnant tuɣalin n Lmasiḥ di tmanegt-is. A d-nwali yerna a nemḥeṣ yiwen n weḍris n Icɛaya, anda i d-iberreḥ ɣef lmut d ḥeggu n Lmasiḥ, d uḥunnu-ines ɣer uyeffus n Yillu.
"Anwa i yumnen swayen i ɣ-d-ittubecren ?
Anwa i yɛqlen iɣil n Umeɣlal?Yekker-d zdat-s am yemɣi yulwan,
Am uxalaf d-yeffɣen seg akal yekkawen;
Ur yesɛi ccbaḥa neɣ afeǧǧeǧ ɣef ara ters tmuɣli-nneɣ,
Ṣṣifa-s ur telli ttin ara ɣ-iɛeǧben.Ḥeqqren-t, yerna ǧǧan-t akkit yemdanen,
D ales n teqriḥt yernu tanumi n wenzaf,
Icuba ɣer win i ɣef nettezzi s wudem,
Ur s-nefki ara azal, ur d-nelha ara yid-s.D acu kan, d anzafen-nneɣ i yerfed,
D tiqriḥin-nneɣ i yewwi d taɛkemt;
Neḥseb-it d win yettumerten,
I d-yettuwten sɣur Yillu, udull-it.Lameɛna yejreḥ ɣef ibekkaḍen-nneɣ,
Yeṛṛeẓ ɣef izgalen-nneɣ;
D netta i yxelṣen iwakken a naf lehna,
Yerna s ifeddixen-is i nufa ḥellu.Nella nettmenṭar meṛṛa am wulli,
Yal wa d abrid yeḍfaṛ;
Ma d Ameɣlal yesseɣli-d fell-as lbaṭel akk nneɣ.Yettwet yettuqehheṛ,
Ur t-id yuli wawal,
Icuba izimer-nni iteddun ɣer tmezla,
Am tixsi yessusmen zdat wid i tt-yettelsen,
Awal ur t-id-yuli.D lxiq aked lmerta i t-yewwin,
Ger wid akk d-iɛacen yides, anwi yumnen
Yettwakkes si ddunit-agi ( seg akal n imudduren)
Yettwet ɣef ddemma n ibekkaḍen n wegdud-iw?Yettwamḍel ger yemcumen,
Aẓekka-ines aked umerkanti,
Xas akken ur yexdim ara ccwal
Ur d-llant ara tkerkas deg imi-s.Di lebɣi n Umeɣlal a t-yeṛṛez s wenzaf...
Mi yefka tudert-is d asfel ɣef ddnub,
ad iẓer lǧil d-iteddun yerna ad yessiɣzef ussan-is;
Ccɣel n Umeɣlal ad infali ger ifassen-is.Seg akken texdem teṛwiḥt-is, ad ters tmuɣli-ines;
S tmusni-ines, aqeddac-iw uɣdim, a d-yawi lḥeqq i tugett n yemdanen,
Yerna ad yawi izgalen-nsen.Degmi ara s-efkaɣ amur-is ger imeqranen;
Ad yecrek aglaf aked wid iǧehden,
Axaṭeṛ yefka iman-is ɣer lmut,
Yerna yettwaḥseb ger yemcumen,
Axaṭeṛ yewwi ibekkaḍen n tugett n yemdanen,
Yerna icufaɛ ɣef wid tt-ixedmen."
Ayen akka i d-icaren, neḍleb deg-wen a s-tiɛwdem taɣuri, a s-terrem ddehn-nwen aṭas. Deg-s ibder-d Icɛaya " Aqeddac " n Umeɣlal. Anwat " uqeddac-agi "? Gret tamawt ɣer teskant-is:
Aglam-agi i d-yefka nnbi iban am tafat. Yezga-d, yerna ulac deg-s ccek. Aglam-agi yeɛna Lmasiḥ. Axaṭeṛ, anwa nniḍen i yzemren ad yefk iman-is d asfel ɣef imednuben, ad aɣ-iḍmen asuref, d lehna aked Yillu ? Anwa nniḍen, ma mačči d netta, i d-yeḥyan si lmeyytin, yulin ɣer uyeffus n Yillu, iwakken ad iḥareb fell-aɣ nekni yellan d imednuben ?
A nwali di temsirt i d-iteddun amek i d-yusa Lmasiḥ a ɣ-d-ileɣet Illu.
Tura uqbel a ttaẓem ɣer zdat, rret-d ɣef umseqsi n temsirt-agi.