D ameyyez si Tira Iqedsen ɣef tikki-nneɣ akled laɛbada di tudert-nueɣ. Assaɣ-nneɣ aked Ṛebbi.
11. Acuɣer i d-ixleq Sidi Ṛebbi irgazen akk-d tlawin ?
Iwakken ad lhin d ddunit, yerna ad lemden amek ara ḥemmlen Sidi Ṛebbi akk-d wamek ara ḥemmlen wiyaḍ.
Arwet, ffuktit, ččaṛet lqaɛa, steɛmeṛt-ett. (Laṣel n Ddunit 1.28)
Mata 22.37-39
12. D acu n lmeɛna n wawal “ad lhin d ddunit”?
Sidi Ṛebbi ifka-yi-d sebɛa n tesmasitin timeqranin : Afakan, lqaɛa, lweqt, leqdic, tiɛebbja, igerrujen akk-d ussenṭeḍ neɣ lweṛt n tudert akk-d liman.
Sebɛa n tesmasitin-inu timeqranin.
13. D acu-t ufakan agi i d-yelha ?
Tafekka-inu d Afakan neɣ d lǧameɛ Iqedsen n Sidi Ṛebbi. Daymi i ttḥadareɣ tafekka-inu, alhayeɣ-ed yid-es iwakken att-tteddu di lewqam, iwakken att-tteɛǧeb i Sidi Ṛebbi yerna att-ttili d nnfeɛ i wiyaḍ.
Tafekka-nwen d afakan n Ṛṛuḥ iqedsen.
Ṛṛuḥ agi Iqedsen yella deg-wen, d Sidi Ṛebbi i wen-t-id-yefkan. (1 Kurintus 6.9)
At Ṛuman 12.1; 2 Kurintus 7.1
14. D acu n lmeɛna n wawal “a d-telhim d wakal”?
Xdem lqaɛa mebla ma tesxesreḍ neɣ tḍeggɛeḍ ula d acemma.
Sidi Ṛebbi yellan d Illu yeddem-ed amdan nni, issers-it di leǧnan n Ɛidin iwakken a tixdem, yerna a t-iɛass. (Laṣel n Ddunit 2.15)
Ahellil 8
15. Acuɣer i glaq a d-nelhi d lqaɛa ?
Sidi Ṛebbi yefka-yaɣ-d lqaɛa axaṭer neḥwaǧ-iṭ iwakken a nɛic. Ma yella ur d-nelhi ara yid-es, ur tt-nḥuder ara, att-ttuɣal att-ttehleq, nukni daɣen a nehlek.
Igenwan, d igenwan n Sidi Ṛebbi, ma d lqaɛa yefka-tt-id i yemdanen. (Ahellil 115.16)
16. I ma yella nettalhay d wakal ?
Tizegwa d lexlawi, timedwin d issafen, timdinin akk-d tudrin ad uɣalen d imukan yelhan yerna d imukan ara d-yefken lfakya i yemdanen meṛṛa akk-d warraw n warraw-nneɣ ara d-yernun deffir-nneɣ.
Lɛaḍima n Sidi Ṛebbi tettdumu i dayem, Sidi Ṛebbi ifeṛṛeḥ deg wayen i gexdem! (Ahellil 104.31)
17. D acu n lmeɛna n wawal “yelha ma yella nessexdam lweqt s lewqama” ?
Ilaq ad ḥesbeɣlweqt n tudert-iw ittunefk-iyi-d am tukci n Sidi Ṛebbi, yerna ur ilaq ara a tḍeggɛeɣ. Ilaq ad sxedmeɣ lweqt-iw i nnfeɛ neɣ i lfayda n yemdanen meṛṛa.
Selmed-aɣ amek ara nḥetteb ussan-nneɣ akken ilaq, iwakken a nwelleh ulawen-nneɣ ɣer tmusni d ssyasa. (Ahellil 90.12)
At Kulus 4.5; Yuḥenna 9.4; At Galasya 6.10
18. Amek i gebɣa Sidi Ṛebbi att-ttqedceḍ?
Yessutur-iyi-d ad xedmeɣ lecɣal-iw meṛṛa i xedmeɣ, s lebɣi-w, s wul-iw : di twacult-iw, deg uɣerbaz, di lexla, akk-d imukan meṛṛa iɣer i yi-d-issawal ad qedceɣ.
Ilaq-aɣ a nexdem lmeǧhud-nneɣ iwakken a d-nḥelli aɣrum-nneɣ s ifassen-nneɣ yerna s leḥlal. Swakka ara nizmir a niɛiwen win yeḥwaǧen. (At Ifasus 4.28)
Lemtul 6.6-11, 1 At Tisalunik 4.11,
2 At Tisalunik 3.10-12, Lecɣal 20.34-35
19. D acu n leqdic i gesɛan azal ameqran?
Ad ḥemdeɣ Sidi Ṛebbi, a s-qedceɣ, yerna a d-sbeggeneɣ leḥmala-s i lɣir-iw.
A tt-ttḥemmleḍ Sidi Ṛebbi, Illu-inek, s wul-ik d ṛṛuḥ-ik, s wayen akk yellan di tezmert-ik akk-d lɛeqliya-k. Att-ttḥemmleḍ daɣen wiyaḍ am yiman-ik. (Luqa 10.27)
20. Amek i tzemreḍ a d-sbeggneḍ leḥmala i lɣir-ik ?
A s-nexdem ayen yelhan.
Xedmet i wiyaḍ ayen i tebɣam a wen-t-xedmen i kunwi. (Mata 7.12)
21. D acu n lmeɛna n wawal “ssexdem akken ilaq tiɛebja-inek” ?
Ilaq-iyi ad sxedmeɣ tamusni-inu iwakken ad izmireɣ ad ɛiwneɣ, yal ass s zyada, wid akk i yid-izzin yerna ad sedduɣ Tagelda n Sidi Ṛebbi ɣer zdat.
Sidi Ṛebbi yefka-yaɣ-d tukciwin yemxalafen, yal yiwen deg-nneɣ s tukci-ines. (At Ṛuman 12.6)
At Ifasus 4.7
22. D acu-ten igerrujen ?
Tifarkiwin, lmelk, idrimen akk-d wayen akk nniḍen yellan d ayla-w.
D Sidi Ṛebbi i ɣ-d-ittaken leḥwayeǧ akk yelhan iwakken a nesfaydi seg-sent… Imeṛkantiyen ad fken s wul zeddigen yerna ad feṛqen leṛzaq-nsen akk-d wiyaḍ. (1 Timuti 6.17b-18)
23. Nezmer a nessefti igerrujen agi?
Ih, yezmer ma yella yeɛmed Sidi Ṛebbi.
Aqeddac i wumi i d-ittunefk xemsmeyya n twiztin, iṛuḥ yetjeṛ yis-sent, irbeḥ-ed xemsmeyya n twiztin nniḍen. (Mata 25.16)
24. Amek i gebɣa Sidi Ṛebbi a sen-telḥuḍ i yigerrujen-ik?
A ten-seftiɣ s leḥlal, yerna a ten-sxedmeɣ i lmeḥwiǧat-iw akk-d lmeḥwiǧat n twacult-iw. Ad seddqeɣ mebla cceḥa i lecɣal n Sidi Ṛebbi, yerna ad fkeɣ i yemdanen nniḍen am wakken i yi-d-ifka Sidi Ṛebbi mebla cceḥḥa.
Kra ttaken akteṛ, ttuɣalen d imerkantiyen. Ma d kra nniḍen jemmɛen aṭas i yiman-nsen dɣa tt-ttuɣalen d igellilen. (Proverbe 11.24)
25. D imawlan i d-xelqen-d tudert n warraw-nsen ?
Xaṭi, anagar Sidi Ṛebbi i d-ittakken tudert. Lameɛna, issexdam imawlan iwakken ad fken tudert i warraw-nsen.
D kecc i yi-issegmen di tɛebbuṭ n yemma. Tanemmirt-ik a Sidi Ṛebbi, imi i yi-d-txelqeḍ. (Ahellil 139.13-14)
Irmiya 1.5
26. D acu i d-issutur Sidi Ṛebbi i imawlan ?
Sidi Ṛebbi issutur-asen-d ad myeḥmalen, ad ttemqqadaren wway gar-asen yerna ad ṛebbin arraw-nsen s ṣṣbeṛ d lekyasa; Swakka, arraw-nsen ad lemden amek ara qqadren Sidi Ṛebbi d wamek ara yilin d nnfeɛ i wiyaḍ.
Mkul yiwen ilaq ad iḥemmel tameṭṭut-is am yiman-is, am wakken daɣen tameṭṭut ilaq-as att-tteqqadder argaz-is. (At Ifasus 5.33)
Ma d kunwi ay imawlan, ur sserfayet ara dderya-nwen, meɛna ṛebbit-tten akken i kkunid-iweṣṣa Sidi Ṛebbi. (At Ifasus 6.4)
Ahellil 78-4
27. D acu i d-issutur Sidi Ṛebbi i dderya a t-xedmen ?
Ad ḥemmlen Sidi Ṛebbi, ad qqaddren yerna ad ḍuɛen imawlan-nsen, wid akk yesɛan adabu fell-asen akk-d wid akk i ten-yugaren.
Ilaq-ak att-ttḥemmleḍ Sidi Ṛebbi, Illu-inek, s wul-ik meṛṛa, s terwiḥ-ik meṛṛa akk-d tezmert-ik meṛṛa. (Asmekti 6.5)
A dderya, ḍuɛet imawlan-nwen akken yebɣa Sidi Ṛebbi. (At Ifasus 6.1)
28. D acu i ttwacult ?
D imdanen i d-ittekken seg yiwen n ubabat yerna beṭṭun wway gar-asen ayen akk sɛan.
Ad kerfeɣ tigecrar zdat Sidi Ṛebbi, Ababat, seg-s mkul tawacult att-teqbel Isem-is. (At Ifasus 3.15)
Wid akk yumnen dduklen yerna beṭṭun wway gar-asen ayen akk sɛan. (Lecɣal 2.44)
29. Anta-tent twaculin-ik keččini ?
Sɛiɣtlata n twaculin : tawacult n yemdanen meṛṛa i d-ittwaxelqen ɣef ṣṣifa n Sidi Ṛebbi, tawacult n imawlan-iw akk-d twacult n inelmaden n Sidna Ɛisa.
Sidi Ṛebbi yettak-ed tawacult i wid yellan d iwḥiden. (Ahellil 68.7)
Kra slan i Wawal n Sidi Ṛebbi yerna umnen-yis. Widak agi, Awal n Sidi Ṛebbi yefkayasen tazmert neɣ adabu swayes ara yuɣalen d arraw n Sidi Ṛebbi. (Yuḥenna 1.12)
30. D acu n tesmasit i tesɛiḍ ɣer iɛeggalen n twacult-inek ?
A ten-ɛuzzeɣ yerna a sen-xedmeɣ ayen akk i bɣiɣ a yi-t-xedmen i nekkini.
Daymi, xḍut i lekdeb, ilaq mkul yiwen deg-wen ad immeslay s tidett i lɣiṛ-is, axaṭer d mkul yiwen ilaq ad yini tidett i lɣir-is, axaṭer, yal yiwen deg-nneɣ, d leɛḍam n yiwet n lǧetta i nella. (At Ifasus 4.25)
31. Tebɣiḍ att-tterreḍ d lfaɛl di tudert-ik sebɛa n tesmasitin agi timeqranin ?
Bɣiɣ ; ad ṭṭfeɣ leqṛar ɣef ddemma n trennawt n Lmasiḥ, ɣas akken yella waṭas n ujeṛṛeb.
Lameɛna deg wayen akk i ɣ-d-iḍerrun, d nukni i gewwin tarennawt tameqrant s Lmasiḥ i ɣ-iḥemmlen. (At Ṛuman 8.37)
32. D acu i gebɣa a d-yini wawal “Tarennawt n Lmasiḥ” ?
Ṛṛuḥ anezmer n Lmasiḥ yezdeɣ deg-i. Yis, ǧehdeɣ akteṛ n Cciṭan akk-d ddnub.
A neḥmed Sidi Ṛebbi i ɣ-d-yefkan tazmert-is s Ssid-nneɣ Ɛisa Lmasiḥ ! (1 At Kurintus 15.57)
33. D acu-tent teswiɛin agi n ujeṛṛeb ?
Ayen akk i y-ittmeḥinen, isneɛtab-iyi. Ur zriɣ ara dayem acuɣer i ttenɛettabeɣ, lameɛna ẓriɣ belli Sidi Ṛebbi yesɛa tazmert akteṛ ; yettḥareb fell-aɣ yerna yettbeddil tiwaɣiyin i d-nettmagar ɣer wayen i ɣ-yelhan nezzeh.
Neẓra belli Sidi Ṛebbi issufuɣ ɣer lxiṛ ayen akk i d-iḍeṛṛun d wid i t-iḥemmlen. (At Ṛuman 8.28)
34. Tzemreḍ att-ttxedmeḍ lxiṛ i k-d-issutur Sidi Ṛebbi ?
Xaṭi, anagar ma yella iwelleh-iyi yerna iɛawen-iyi.
A nnger-iw! Anwa ara y-isellken si lǧetta agi ara yettwaḍegren i lmut? A neḥmed Sidi Ṛebbi : s Ɛisa Lmasiḥ, Ssid-nneɣ. (At Ṛuman 7.24-25)
35. Amek ara nẓer d acu i geḥseb Sidi Ṛebbi d ayen yelhan ?
S leqraya n wawal n Ṛebbi akk-d tiɣin n wawal i Ṛṛuḥ-is yellan deg-i.
Awal-ik tt-ttaftilt yettwellihen iḍarren-iw, tt-ttafat yettnewwiṛen abrid-iw. (Ahellil 119.105)
36. D anta-wen 66 n yedlisen i gellan di Tektabt Iqedsen ?
Ayen yellan di Lɛahd Aqdim :
- Laṣel n ddunit
- Tuffɣa
- At Lewwi
- Aneẓruf
- Asmekti
- Yacuɛa
- Inezzurfa
- Rut
- 1 Camwil,
- 2 Camwil
- 1 Igelliden
- 2 Igelliden
- 1 Amezruy
- 2 Amezruy
- Ɛaẓra
- Naḥimyah
- Stira
- Yub
- Ihellilen
- Lemtul
- Amusnaw
- Ccna ifazen
- Icaɛyah
- Irmiyah
- Asḥissef
- Iziqyil
- Danyil
- Hucyaɛ
- Yuwil
- Amus
- Ɛubadyah
- Yunes
- Mixa
- Naḥum
- Ḥabaquq
- îafanyah
- Ḥagay
- Zakaryah
- Malaxi.
Ayen yellan di Lɛahd Ajdid :
- Mata
- Marqus
- Luqa
- Yuḥenna
- Lecɣal
- At Ṛuman
- 1 At Kurintus
- 2 At Kurintus
- At Galasya
- At Ifasus
- At Filibus
- At Kulus
- 1 Tisalunik
- 2 Tisalunik
- 1 Timuti
- 2 Timuti
- Titus
- Filimun
- Iɛebraniyen
- Yeɛqub
- 1 Buṭrus
- 2 Buṭrus
- 1 Yuḥenna
- 2 Yuḥenna
- 3 Yuḥenna
- Yuda
- Aweḥḥi
